უკრაინის პრეზიდენტმა პეტრო პოროშენკომ Fox News-თან ინტერვიუში რუსეთის პრეზიდენტს ვლადიმირ პუტინს მიმართა და ქერჩის სრუტეში მომხდარ მოვლენებს ომი უწოდა.

 „ბატონო პუტინო, ეს აგრესიაა, ბატონო პუტინო, ეს ომია. ეს არ არის არც ხუმრობა და არც ინციდენტი“, - განაცხადა პოროშენკომ.

მან ასევე რუსი სამხედროების ქმედებას უკრაინული გემებისა და მეზღვაურების დაკავების შესახებ აგრესია უწოდა.

25 ნოემბერს, რუსეთის მხრიდან უკრაინული გემების მიმართ თავდასხმა განხორციელდა. რუსი სამხედროების თავდასხმის შედეგად დაიჭრა 6 უკრაინელი. დღემდე დატყვევებულია 23 უკარინელი მეზღვაური. რუსული მხარე, ტრადიციულად, უკრაინას პროვოკაციის მოწყობაში ადანაშაულებს.