სალომე ზურაბიშვილი პრეზიდენტის რანგში პირველი ვიზიტით ბრიუსელში გაემგზავრება
საქართველოს არჩეული პრეზიდენტი სალომე ზურაბიშვილი პრეზიდენტის რანგში პირველი ვიზიტით ბრიუსელში გაემგზავრება.
აღნიშნული ვიზიტი სალომე ზურაბიშვილმა კავკასიასა და ცენტრალურ აზიაში ნატო-ს გენერალური მდივნის სპეციალურ წარმომადგენელთან ჯეიმს აპატურაიასთან დღევანდელ შეხვედრაზე განიხილა.
შეხვედრის შემდეგ ინფორმაცია სალომე ზურაბიშვილმა ჟურნალისტებს დაუდასტურა.
როგორც ზურაბიშვილმა ჟურნალისტებს განუცხადა, შეხვედრებს ნატო-სა და ევროკავშირში გამართავს.
