კიევში სპეცოპერაციისას რუსი დივერსანტი მოკლეს
უკრაინის უშიშროების სამსხაურის განცხადებით კიევში სპეცოპერაციისას დივერსანტების ჯგუფი დააკავეს. გავრცელებული ინფორმაციით, დაკავებულთაგან 2 რუსეთის, სამი კი უკრაინის მოქალაქეა.
სამსახურის პრეს-მდივნის ელენა გიტლიანსკაიას თქმით, სპეცოპერაცია უკრაინის დედაქალაქში ერთ-ერთ საცხოვრებელ ბინაში ჩატარდა. მისივე თქმით, ერთ-ერთმა დივერსანტმა სამართალდამცავებს შეიარაღებული წინააღმდეგობა გაუწია, რის შედეგადაც ის მიღებული ჭრილობებისგან გარდაიცვალა.
დაიჭრა ორი სპეცრაზმელიც, ერთ-ერთი მათგანის ჯანმრთელობის მდგომარეობა მძიმეა. მოსკოვში აღნიშნულ ინოფრმაციაზე კომენტარი ჯერ არ გაუკეთებიათ.
