გლდანში გუშინ, უცნობმა პირმა გოგონაზე ძალადობა სცადა. შემთხვევა საღამოს, მეშვიდე მიკრო რაიონში, დაზარალებულის სახლთან მოხდა.

“სადარბაზოში შევედი და შემომყვა. მესამეზე ვცხოვრობ და ამომყვა, პირზე ხელი ამაფარა. მე დავიყვირე დედა მიშველე-მეთქი და თან დავარტყი. რომ დავარტყი, გაქცევა სცადა. მე დავიჭირე, რომ პატრულისთვის დამერეკა, მაგრამ მაინც გაიქცა,” – ყვება დაზარალებული “რუსთავი 2”-თან.

ადგილობრივების ინფორმაციით, მამაკაცს დაზარალებულის მშობლები, ძმა და მეზობელი გაეკიდა. დაიჭირეს კიდეც, თუმცა მაინც გაექცათ.

დაზარალებულის მეზობლები ყვებიან იმასაც, რომ ეს გოგონებზე ძალადობის პირველი ფაქტი არაა. ერთ-ერთი ბოლო შემთხვევა სექტემბერში მოხდა, როცა სავარაუდო დამნაშავემ მაღაზიაში მარტო ჩასული 9 წლის გოგონა საცხოვრებელი კორპუსის სადარბაზოში შეიტყუა და მასზე ძალადობა სცადა.

გლდანის მოსახლეობა სავარაუდო დამნაშავის დაკავებას ითხოვს. საქმეზე დაწყებულია გამოძიება.