“ყაზტრანსგაზ-თბილისმა” ფეისბუქზე გამოქვეყნებული პოსტი წაშალა, სადაც დიდ დიღომში, აფეთქების შედეგად გარდაცვლილთა ოჯახის წევრებს უსამძიმრებდა. განცხადება გამქრალია „ყაზტრანსგაზ-თბილისის“ ოფიციალური ვებ-გვერდიდანაც.

პოსტი სავარაუდოდ, უარყოფითი გამოხმაურებების გამო წაიშალა. განცხადების ქვეშ, “ფეისბუქმომხმარებლები” კრიტიკულ კომენტარებს წერდნენ.

მომხდარის დეტალებზე კომპანია განცხადებას ამ დრომდე არ ავრცელებს.

აფეთქება დიდ დიღომში, ავთანდილის ქუჩაზე, 16 აინვარს 20:30  საათზე მოხდა. 8-სართულიან კორპუსში, სადაც აფეთქება მოხდა, დაზიანებულია 6 სართული. აფეთქებას 4 ადამიანის სიცოცხლე ემსხვერპლა, მათ შორის, ერთი არასრულწლოვნი. დაშავებულია 8 ადამიანი, ისინი სასწრაფო სამედიცინო დახმარების ბრიგადებმა კლინიკებში გადაიყვანეს. არსებული ინფორმაციით, აფეთქება სავარაუდოდ გაზის გაჟონვის გამო ერთ-ერთი საცხოვრებელი კორპუსის მეექვსე სართულზე მოხდა. კორსპუსის მცხოვრებლების თქმით, მთელი დღის განმავლობაში გაზის სუნი იგრძნობოდა, რის გამოც მათ "ყაზტრანსგაზის“ წარმომადგენლები გამოიძახეს. ისინი ამბობენ, რომ “ყაზტრანსგაზ თბილისის“ თანამშრომლებმა პრობლემა ვერ აღმოაჩინეს.