ჰონდურასის საფეხბურთო ნაკრების წევრი მოკლეს
ჰონდურასის ფეხბურთის ეროვნული ნაკრების მცველი არნოლდ პერალტა ქალაქ ლა-სეიბაში მოკლეს.
წინასწარი მონაცემებით უცნობმა პირმა 26 წლის ფეხბურთელს თავში ესროლა. შემთხვევა ერთ-ერთ სავაჭრო ცენტრში - ავტოსადგომზე მოხდა. როგორც El Heraldo წერს, პერალტაზე თავდასხმის მიზეზები უცნობია.
ეროვნული ნაკრებისა და კლუბ ”ოლიმპიას” მოთამაშე ლა-სეიბში დასასვენებლად იმყოფებოდა.
ჰონდურასი დანაშაულისა და ძალადობის მხრივ მსოფლიოში ერთ-ერთი ლიდერი ქვეყანაა. გაეროს მონაცემებით, ქვეყანაში 100 ათას მოსახლეზე 90,4 მკვლელობა მოდის. მკვლელობების 70 პროცენტი ნარკოტრაფიკს უკავშირდება.
