ოზურგეთში ბუნებრივი აირის ნამწვით 3 ადამიანი მოიწამლა
ოზურგეთში ბუნებრივი აირის ნამწვით სამი ადამიანი მოიწამლა. დაშავებულები ოზურგეთის სამედიცინო ცენტრ „მედალფას“ კლინიკაში არიან გადაყვანილნი.
ექიმების შეფასებით, მათ სიცოცხლეს საფრთხე არ ემუქრება. მათი თქმით, სამივე პაციენტი რეანიმაციულ განყოფილებაში რჩება. პაციენტების მდგომარეობა თავიდანვე საშუალო სიმძიმის იყო, თუმცა ამ დროისათვის გაუმჯობესებულია. ისინი სავარაუდოდ, კლინიკას რამდენიმე დღეში დატოვებენ.
