კამერუნში 13 წლის თვითმკვლელმა-ტერორისტმა გოგონამ თავი აიფეთქა- დაიღუპა 11 ადამიანი
კამერუნში 11 ადამიანი მას შემდეგ დაიღუპა, რაც 13 წლის თვითმკვლელმა-ტერორისტმა გოგონამ თავი აიფეთქა.
მედიის ინფორმაციით, 13 წლის გოგონა ნიგერიის საზღვრის მახლობლად ქალაქ კოლოფატში ერთ-ერთ სახლში შეიჭრა და სხეულზე დამაგრებული ასაფეთქებელი მოწყობილობა მოქმედებაში მოიყვანა. აფეთქების შედეგად 6 ადამიანი დაიღუპა. არიან დაშავებულებიც.
გავრცელებული ინფორმაციით კიდევ ხუთი ადამიანი მოგვიანებით კლინიკაში გარდაიცვალა.
ტერაქტზე პასუხისმგებლობა ჯერჯერობით არცერთ ორგანიზაციას არ აუღია. სავარაუდოდ აფეთქების უკან ტერორისტული დაჯგუფება ”ბოკო ხარამი” დგას.
