დიდი ბრიტანეთის მინისტრთა კაბინეტის წევრები ვარაუდობენ, რომ ტერეზა მეი პრემიერ მინისტრის პოსტს ზაფხულში დატოვებს. ამის შესახებ გაზეთი Sun-ი იუწყება.

მინისტრებმა ასეთი დასკვნები ტერეზა მეის მინიშნებებიდან გააკეთეს.

ბიზენსის საქმეთა მინისტრი გრეგ კლარკი დარწმუნებულია, რომ მეი პოსტს თავისი სურვილით დატოვებს.

როგორც გაზეთი წერს, მეი თანამდებობის დატოვებას Brexit-ის შეთანხმების შემდეგ გეგმავს. გამოცემის აზრით, მისი გადადგომა საზოგადოების მიერ განიხილება, როგორც დიდი ბრიტანეთის ყოფილი საგარეო საქმეთა მინისტრის ბორის ჯონსონის ხელისუფლებაში მოსვლის საწინააღმდეგო ნაბიჯად.

მანამდე მეი აცხადებდა, რომ 2022 წლის არჩევნებისთვის პარტიის ხელმძღვანელი აღარ იქნება და კონსერვატორების ლიდერის თანამდებობას დატოვებს.

დიდმა ბრიტანეთამ ევროკავშირი 29 მარტს უნდა დატოვოს, თუმცა გარიგების პროექტი რატიფიცირებული არ არის და ბრიტანელი პარლამენტარების უმეტესობა მას მხარს არ უჭერს. ევროკავშირი თავის მხრივ უარს ამბობს ამ შეთანხმების პროექტის გადახედვაზე. ამასთან არსებობს Brexit-ის თარიღის გადადების შესაძლებლობაც.