ლადო ბედუკაძეს თავს დაესხნენ
ციხის კადრების ავტორს ლადო ბედუკაძეს თავს დაესხნენ. „რუთავი 2“-ის ინფორმაციით, შემთხვევა თბილისში, რუსთაველის გამზირზე მოხდა. ბედუკაძეს ყოფილმა პატიმარმა სცემა, რომელიც სასჯელს იმ პერიოდში იხდიდა, როცა ციხის კადრების ავტორი ბადრაგად მუშაობდა.
ბედუკაძე ალადაშვილის კლინიკაში გადაიყავნეს. შემთხვევის ადგილზე მიმდინარეობს საგამოძიებო სამუშაოები. მომხდარზე საქმე სისხლის სამართლის კოდექსის 126-ე, ცემის მუხლით მიმდინარეობს.
