„Eurovision 2016“-ზე რუსეთს მომღერალი სერგეი ლაზარევი წარადგენს. მომღერლის ჩაცმულობაზე კი რუსეთში მოღვაზე ქართველი მომღერალი, A`Studio-ს სოლისტი ქეთა თოფურია იზრუნებს.

როგორც რუსული გამოცემა, Super.ru წერს, სერგეი ლაზარევს „Eurovision-ის საკონკურსო ნომრის მომზადებაში „რუსული ესტრადის მეფე“ ფილიპ კირკოროვი დაეხმარება, რომელიც ბოლო წლებია ამ მიმართულებით მუშაობს.

გამოცემის ინფორმაციითვე, გამორიცხული არ არის, რომ ლაზარევის ჩაცმულობაზე, რომლითაც ის „Eurovision“-ის კონკურსზე წარდგება, A`Studio-ს სოლისტმა ქეთა თოფურიამ იზრუნოს, რომელიც საკუთარ ბრენდს - KETIone-ს უკვე ფლობს და რუსეთში ცნობილ და გემოვნებიან დიზაინერადაც ითვლება. მით უმეტეს, ქეთა თოფურიას სერგეი ლაზარევთან ამ მიმართულებით მუშაობის გამოცდილება უკვე აქვს.

შეგახსენებთ, რომ „Eurovision 2016“ მაისში შვედეთის დედაქალაქ სტოკჰოლმში გაიმართება.