ვერტმფრენი, რომლის ბორტზეც ნეპალის კულტურის, ტურიზმისა და სამოქალაქო ავიაციის მინისტრი რაბინდრა ადიკარი იმყოფებოდა, ქვეყნის აღმოსავლეთ ნაწილში ჩამოვარდა. ინციდენტი ტაპლეჯუნგის რაიონში მოხდა. ამის შესახებ ადგილობრივი მედია იუწყება.

მედიის ცნობით, კომპანია Air Dynasty-ის ვერტმფრენის ბორტზე სულ 5-6 ადამიანი იმყოფებოდა, მათ შორის პილოტი, პრემიერ-მინისტრის მრჩეველი და უსაფრთხოების სამსახურის თანამშრომელი. გავრცელებული ცნობით, ადგილობრივებმა ძლიერი ხმა გაიგონეს, რის შემდეგაც ხანძარი გაჩნდა.

დაღუპულებისა და დაშავებულების შესახებ ცნობები არ ვრცელდება. ადგილობრივი ხელისუფლების წარმომადგენლები შემთხვევის ადგლისკენ მიემართებიან.