png.ge
png.ge
png.ge
16+
16 ნოემბერი, 2026, ორშაბათი
png.ge
  • მთავარი
  • პოლიტიკა
  • ეკონომიკა
  • ბიზნესი
  • სამართალი
  • თავდაცვა
  • საზოგადოება
  • კულტურა
  • სპორტი
  • მეტი
    • მსოფლიო
    • კონფლიქტები
    • ეს საინტერესოა
    • მედიცინა
+16
16 ნოემბერი, 2026, ორშაბათი
png.ge

ევროკავშირთან ურთიერთობისა და ინტეგრაციის ხარისხი ასეთ მაღალ დონეზე არასოდეს ყოფილა - მამუკა ბახტაძე

  • პოლიტიკა
  • 01.03.2019
  • 14:26
ევროკავშირთან ურთიერთობისა და ინტეგრაციის ხარისხი ასეთ მაღალ დონეზე არასოდეს ყოფილა - მამუკა ბახტაძე

სრული პასუხისმგებლობით შემიძლია განვაცხადო, რომ ევროკავშირთან ურთიერთობისა და ინტეგრაციის ხარისხი ასეთ მაღალ დონეზე არასოდეს ყოფილა, - ამის შესახებ საქართველოს პრემიერ-მინისტრმა მამუკა ბახტაძემ საქართველოს ევროკავშირში ინტეგრაციის სამთავრობო კომისიისა და ნატოში ინტეგრაციის სახელმწიფო კომისიის ერთობლივ სხდომაზე განაცხადა.

მთავრობის მეთაურის შეფასებით, საქართველო ევროკავშირთან ნაკისრი ვალდებულებების იმპლემენტაციას წარმატებით ახორციელებს.

„განხორციელდა მნიშვნელოვანი რეფორმები როგორც საკანონმდებლო, ისე ინსტიტუციური დაახლოების კუთხით, რაც ქვეყნის ევროპული და ევროატლანტიკური ინტეგრაციის გზაზე აუცილებელი წინაპირობაა. თუმცა, მეტი ძალისხმევაა საჭირო. ჩემი შეხედულებით, ჩვენ გვაქვს რესურსი, ვალდებულებების გარკვეული ნაწილი ვადაზე ადრე შევასრულოთ“, - განაცხადა პრემიერ-მინისტრმა.

სხდომაზე მოისმინეს ინფორმაცია 5 მარტს ბრიუსელში დაგეგმილი საქართველო-ევროკავშირის ასოცირების საბჭოს მე-5 სხდომის შესახებ, რომელზეც ქართული მხარე „ევროკავშირში ინტეგრაციის საგზაო რუკას“ წარადგენს.

„საბჭოს სხდომაზე, ევროპულ მხარესთან ერთად შევაჯერებთ ევროინტეგრაციის ფარგლებში არსებულ პროგრესს და წარვადგენთ ძალიან მნიშვნელოვან დოკუმენტს - „ევროკავშირში ინტეგრაციის საგზაო რუკას“, რომელიც საშუალებას გვაძლევს, მოვახდინოთ ევროინტეგრაციის ფარგლებში განხორციელებული ჩვენი პროგრესის კონსოლიდაცია და ასევე, ასოცირების შეთანხმების მიღმა გადავდგათ შემდგომი ნაბიჯები ევროკავშირთან უფრო ღრმა და ყოვლისმომცველი, მათ შორის, სექტორული ინტეგრაციისკენ“, - აღნიშნა მამუკა ბახტაძემ.

სხდომაზე ყურადღება დაეთმო ევროკავშირთან უვიზო რეჟიმის მიმდინარეობას. პრემიერ-მინისტრმა პროცესის შეუფერხებლად ფუნქციონირების მნიშვნელობას გაუსვა ხაზი.

„მსურს, შეხვედრის ნაწილი დავუთმოთ ევროკავშირის/შენგენის ქვეყნებთან უვიზო მიმოსვლის მიმდინარეობის განხილვას. უვიზო რეჟიმის შეუფერხებლად ფუნქციონირების უზრუნველყოფა ჩვენი მთავრობის ერთ-ერთი უმნიშვნელოვანესი პრიორიტეტია, რადგან პრაქტიკული სარგებლის გარდა, უვიზო მიმოსვლას აქვს მნიშვნელოვანი პოლიტიკური დატვირთვა“, - განაცხადა მთავრობის მეთაურმა.

კომისიების ერთობლივ სხდომაზე დამტკიცდა საქართველოს წლიური ეროვნული პროგრამა (ANP), რომელიც ნატოში გაწევრიანების ერთ-ერთ ყველაზე მნიშვნელოვან მექანიზმს წარმოადგენს. ასევე განსაკუთრებით აღინიშნა ჩრდილოატლანტიკურ ალიანსში ინტეგრაციის გზაზე საქართველოს მიერ მიღწეული პროგრესი.

„საქართველო არის ნატოს განსაკუთრებული და საიმედო პარტნიორი და მიუნხენის უსაფრთხოების კონფერენციაზე ჩვენ ამ თვალსაზრისით ძალიან ძლიერი გზავნილები მოვისმინეთ. წელს ჩვენ ვუმასპინძლებთ ნატოს გენერალურ მდივანს, სამხედრო კომიტეტსა და ჩრდილოატლანტიკურ საბჭოს, რაც არის განსაკუთრებული პატივი და ამავდროულად - პასუხისმგებლობა, თუმცა, ეს კიდევ ერთხელ ხაზს უსვამს იმას, რომ საქართველოსა და ნატოს შორის ურთიერთობები ახალ დონეზეა გადაყვანილი“, - განაცხადა პრემიერ-მინისტრმა.

პრემიერ-მინისტრის ხელმძღვანელობით გამართულ საქართველოს ევროკავშირში ინტეგრაციის სამთავრობო კომისიისა და ნატოში ინტეგრაციის სახელმწიფო კომისიის ერთობლივ სხდომაზე დღის წესრიგით გათვალისწინებული 8 საკითხი განიხილეს. საგარეო საქმეთა მინისტრმა დავით ზალკალიანმა წარადგინა ასოცირების დღის წესრიგის განხორციელების 2018 წლის ეროვნული სამოქმედო გეგმისა და DCFTA-ის შესრულების ერთი წლის ანგარიში. სხდომაზე ასევე მიიღეს ასოცირების შესახებ შეთანხმებისა და ასოცირების დღის წესრიგის განხორციელების 2019 წლის ეროვნული სამოქმედო გეგმა და განიხილეს „აღმოსავლეთ პარტნიორობის“ 10 წლის იუბილესთან დაკავშირებული ღონისძიებები.

გაზიარება:

ამავე კატეგორიაში

სარეკლამო სივრცე 300X200

მიმდინარე სიახლეები

კაცმა ცივი იარაღის გამოყენებით დედა დაჭრა - თელავში 1 პირი დააკავეს
  • 11:14
კაცმა ცივი იარაღის გამოყენებით დედა დაჭრა - თელავში 1 პირი დააკავეს
Geely Starship 7 და Toyota Corolla საქართველოს ბანკის ავტოპარკში - „თეგეტა“ ბანკს ფლიტმენეჯმენტის ფარგლებში სრულ მომსახურებას გაუწევს
  • 14:40
Geely Starship 7 და Toyota Corolla საქართველოს ბანკის ავტოპარკში - „თეგეტა“ ბანკს ფლიტმენეჯმენტის ფარგლებში სრულ მომსახურებას გაუწევს
ავერსის 32-წლიანი ზრუნვის და ერთგულების ისტორია!
  • 14:22
ავერსის 32-წლიანი ზრუნვის და ერთგულების ისტორია!
უკრაინის მიმართ ევროპის მხარდაჭერას გადამწყვეტი მნიშვნელობა აქვს, რადგან აშშ-ის მხრიდან მხარდაჭერა აღარ არსებობს აღარ არის  - ემანუელ მაკრონი
  • 19:51
უკრაინის მიმართ ევროპის მხარდაჭერას გადამწყვეტი მნიშვნელობა აქვს, რადგან აშშ-ის მხრიდან მხარდაჭერა აღარ არსებობს აღარ არის  - ემანუელ მაკრონი
სააპელაციო სასამართლომ ქვეითზე განზრახ დაჯახების ფაქტზე მსჯავრდებულს 10 წლით პატიმრობა მიუსაჯა
  • 19:12
სააპელაციო სასამართლომ ქვეითზე განზრახ დაჯახების ფაქტზე მსჯავრდებულს 10 წლით პატიმრობა მიუსაჯა
თეთრ სახლთან ახლოს სროლის შედეგად ხუთი ადამიანი დაიჭრა
  • 19:09
თეთრ სახლთან ახლოს სროლის შედეგად ხუთი ადამიანი დაიჭრა
უკრაინის მხარდაჭერა უნდა გაგრძელდეს - ფრიდრიხ მერცი
  • 18:56
უკრაინის მხარდაჭერა უნდა გაგრძელდეს - ფრიდრიხ მერცი
„გაიარე მეტი“ „თეგეტა მოტორსთან“ ერთად - როცა მოძრაობა კეთილ საქმეს ემსახურება
  • 13:00
„გაიარე მეტი“ „თეგეტა მოტორსთან“ ერთად - როცა მოძრაობა კეთილ საქმეს ემსახურება
ყველა სიახლე
სარეკლამო სივრცე 300X200
https://www.facebook.com/pages/Prime-News-Georgia/1630193507230649

© png.ge 2015-2026. ყველა უფლება დაცულია

  • info@png.ge