ნიგერიაში, სკოლის ჩამონგრევის შედეგად დაღუპულთა რაოდენობა 20-მდე გაიზარდა
ნიგერიის ქალაქ ლაგოსში სკოლის ჩამონგრევის შედეგად გარდაცვლილთა რაოდენობა 20-მდე გაიზარდა. დაშავებულია 43 ადამიანი. ინფორმაციას ადგილობრივი მედია ავრცელებს.
მანამდე ვრცელდებოდა ინფორმაცია 18 დაღუპულის შესახებ.
არსებული ინფორმაციით, ნანგრევებიდან 43 ადამიანის გამოყვანა მოხერხდა.
სამსართულიანი შენობა, სადაც სკოლა იყო განთავსებული, ორი დღის წინ ჩამოინგრა. ნანგრევების ქვეშ 100-ზე მეტი ადამიანი მოყვა.
