ვარკეთილში ურთიერთშელაპარაკების შედეგად მიკროავტობუსის მძღოლი დაჭრეს
თბილისში, ვარკეთილში, მიკროავტობუსის მძღოლი დაჭრეს. შემთხვევა სუხიშვილის ქუჩაზე, ავტობუსების ბოლო გაჩერებაზე მოხდა. დაჭრის ფაქტს წინ უძღოდა მამაკაცებს შორის შელაპარაკება.
დაჭრილია 50-წლამდე ასაკის მამაკაცი. ის საავადმყოფოში გადაიყვანეს. დაშავებულს ჭრილობა გულ-მკერდის არეში, ცივი იარაღით აქვს მიყენებული. მამაკაცის მდგომარეობა სტაბილურია.
სავარაუდო დამნაშავე დაკავებულია. შსს-ს ინფორმაციით, გამოძიება ჯანმრთელობის განზრახ მსუბუქი დაზიანების მუხლით მიმდინარეობს.
