ნიდერლანდების პროკურატურის განცხადებით,  თავდასხმისთვის დაკავებული მამაკაცის ავტომობილში აღმოჩენილი სამხილები, იმაზე მიუთითებს, რომ ის ნამდვილად ტერორისტი იყო. მამაკაცმა გუშინ ქალაქ უტრეხტში მოქალაქეებს ცეცხლი გაუხსნა.

სამართალდამცველებმა გიომკინ ტანიშის ავტომობილში იპოვეს წერილი, რომლის შინაარსის თანხმად თავდასხმა ნამდვილად ტერაქტი იყო.

18 მარტს ტანიშმა უტრეხტში, ტრამვაიში ცეცხლი გახსნა. ბოლო მონაცემებით, დაიღუპა სამი ადამიანი, რამდენიმე კი დაიჭრა.

ტანიშის ვინაობა სათვალთვალო კამერების მეშვეობით მოხერხდა. თურქული მედიის ცნობით, ტანიში ჩეჩნეთში საომარ მოქმედებებში მონაწილეობდა. ამის გარდა ის რამდენიმე წლის წინ „ისლამურ სახელმწიფოსთან“ კავშირისთვისაც იყო დაპატიმრებული.

ტანიშის გარდა კიდევ ორი ადამიანია დაკავებული.