არგენტინაში დაკარგულმა 5 წლის ბიჭმა 21 კმ მარტომ ერთ დღე-ღამეში გაიარა. იუწყება Clarin-ი.

სან-ხუანის პროვინციის ერთ-ერთ რაიონში მშობლებთან ერთად სეირნობის დროს 5 წლის ბენჯამინ სანჩესი მშობლებს ჩამოშორდა და გაუჩინარდა.

მის ძებნაში ათასზე მეტი ადამიანი იყო ჩართული. 24 საათის შემდეგ ბავშვი იპოვეს. ის გონზე იყო.

„ბიჭი ხის ქვეშ იჯდა. მან წყალი გვთხოვა. შევნიშნეთ, რომ ის შეშინებული იყო, თუმცა არ ტიროდა. ჩვენ ის დავარწმუნეთ, რომ ვერტმფრენში ჩამჯდარიყო, რადგან ფრენის ეშინოდა. ბიჭი დაგვთანხმდა, რადგან დედასთან შეხვედრა ძალიან სურდა“, - განაცხადა პროვინციის უსაფრთხოების სამსახურის უფროსმა გუსტავო ფარინიამ.

გამოცემის ცნობით, რაიონში, სადაც ბიჭი დაიკარგა, ხშირად ბინადრობენ პუმები, ობობები, მორიელები, გველები და სხვა საშიში ცხოველები.  ასევე ამ ტერიტორიაზე ფიქსირდება ჰაერის ტემპერატურის მკვეთრი ცვლილება - დღისით +30°С  ღამით კი 0 °С.

ბიჭის თქმით, ის დაბინძურებულ წყალს სვამდა და უსიამოვნო გემოს მქონე მცენარეებით იკვებებოდა.