ორი ავტობუსის შეჯახების შედეგად 70-ზე მეტი მგზავრი დაიღუპა
70-ზე მეტი მგზავრი დაიღუპა ორი ავტობუსის შეჯახების შედეგად განაში. შემთხვევა ჩრდილოეთ კინტამპოს ოლქში მოხდა. შეჯახების შემდეგ ერთ-ერთ ავტობუსს ცეცხლი გაუჩნდა, მისი ყველა მგზავრი ადგილზე დაიღუპა, მეორე ავტობუსი კი თხრილში გადავარდა. გადავარდნილი ავტობუსის ზოგიერთმა მგზავრმა გადარჩენა მოახერხა.
სავარაუდოდ, ერთ-ერთი ავტობუსის მძღოლს საჭესთან დაეძინა და გზის საპირისპირო ნაწილზე გადავიდა და შემხვედრ ავტობუსს დაეჯახა.
