ჩოხატაურის მუნიციპალიტეტში ავტოსაგზაო შემთხვევის შედეგად პატრულ-ინსპექტორი დაიღუპა
ჩოხატაურის მუნიციპალიტეტის სოფელ გორაბერეჟოულში ავტოსაგზაო შემთხვევას მსხვერპლი მოჰყვა. შსს-ს ინფორმაციით, ერთმანეთს სატვირთო ავტომობილები შეეჯახნენ. ერთ-ერთი მათგანი კი, ინერციით მსუბუქ მანქანას დაეჯახა, რომელსაც პატრულ-ინსპექტორი მართავდა.
საპატრულო პოლიციის თანამშრომელი საავადმყოფოში გადაიყვანეს, მაგრამ მისი გადარჩენა ვერ მოხერხდა.
შსს-ის ინფორმაციით, გამოძიება სსკ-ის 276-ე მუხლით მიმდინარეობს, რაც 4-დან 7 წლამდე თავისუფლების აღკვეთას ითვალისწინებს.
