კარაკასში უცნობი პირები ვენესუელის დროებითი პრეზიდენტის ხუან გუაიდოს ავტომობილს თავს დაესხნენ.

VPI TV გამაოქვეყნა ვიდეოჩანაწერი, სადაც ჩანს გუაიდოს ავტომობილი, რომელიც ქუჩაზე გადაადგილდება. შუქნიშანთან მას უახლოვდება უცნობი პირი, ცდილობს კარის გაღებას და მანქანას ფეხს ურტყამს. ავტომობილი გზას აგრძელებს, ქუჩაში შეკრებილი რამდენიმე ადამიანი მას სხვადასხვა ნივთს ესვრის.

მანქანას, რომელშიც გუადიო იმყოფებოდა, თავს იმ დროს დაესხნენ, როდესაც ის ეროვნული ასამბლეადან გამოდიოდა.

აშშ-ის სახელმწიფო მდივანმა მაიკ პომპეომ მომხდარის გამო აღშფოთება გამოთქვა.

 „დაშინების მიზნით ასეთი თავდასხმები გავლენას ვერ მოახდნენ გარდაუვალ მოვლენაზე - დემოკრატიის მშვიდობიან აღდგენაზე, ვენესუელის სტაბილურობასა და აღორძინებაზე“, - განაცხადა პომპეომ.

ხიან გუაიდო ქვეყნის დროებით პრეზიდენტად მსოფლიოს მრავალმა ქვეყანამ, მათ შორის საქართველომაც აღიარა.

ვენესუელის დე ფაქტო პრეზიდენტს ნოკოლას მადუროს მხარს უჭერს რუსეთი, მექსიკა, ჩინეთი და თურქეთი.