მოკლული საუდელი ჟურნალისტის ჯამალ ხაშოგის შვილები სამეფოს მთავრობისგან ყოველთვიურად კომპენსაციის სახით მილიონ დოლარს და უძრავ ქონებას მიღებენ. ამის შესახებ The Washington Post-ი იუწყება.

ყოფილი და ახლანდელი თანამდებობის პირებისა და ხაშოგის ოჯახის წევრების ცნობით, ჟურნალისტის ორი ვაჟი და ორი ქალიშვილი კომპენსაციას მამის მკვლელობის შესახებ საჯარო განცხადებებისგან თავის შეკავების სანაცვლოდ მიიღებენ.

ასევე თითოეულ მათგანს საუდის არაბეთში 4 მლნ ღირებულების სახლი გადაეცათ.

არსებული ინფორმაციით, ხაშოგის მკვლელობაში ბრალდებულების სასამართლოს დასრულების შემდეგ ჟურნალისტის შვილები დამატებით კიდევ 10-10 მლნ დოლარს მიიღებენ.

თავის მხრივ, ერთ-ერთი საუდელი მაღალი თანამდებობის პირი აცხადებს, რომ ხაშოგის შვილებს კომპენსაცია ქვეყნის მხრიდან თანადგომის სახით გადაეცემათ.

The Washington Post-ის ჟურნალისტი ჯამალ ხაშოგი 2018 წლის 2 ოქტომბერს სტამბოლში საუდის არაბეთის საკონსულოში მოკლეს. მის ცხედარი დღემდე ნაპოვნი არ არის.

მკვლელობას თურქეთისა და საუდის არაბეთის ხელისუფლება ცალ-ცალკე იძიებს. ამასთან დასავლური მედია მკველობას საუდის არაბეთის ტახტის მემკვიდრე პრინცს მუჰამედ ბენ სალმან ალ საუდს უკავშირებს.