ლიბიის ეროვნული არმიის მებრძოლებმა მარშალ ხალიფ ჰაფთარის ხელმძავანელობით ტრიპოლის რამდენიმე რაიონი დაიკავეს.

ჰაფთარმა დედაქალაქზე იერიში „ტერორისტებისგან გათავისუფლებისთვის“ დაიწყო და ქალაქის დაკავებას 48 საათის განმავლობაში გეგმავს.

ამ მომენტისთვის ქალაქის ქუჩები დაცარიელებულია, სავარაუდოდ თითქმის ყველა მაცხოვრებელმა ქალაქი დატოვა. ამ მომენტისთვის, ტრიპოლის სამხრეთ-დასავლეთით, მებრძოლებს უკვე რამდენიმე რაიონი აქვთ დაკავებული.

გავრცელებული ცნობით, შეტაკებები ჯერ არ მომხდარა.

ეროვნული თანხმობის მთავრობამ, რომელიც ტრიპოლს აკონტროლებს, მის დაქვემდებარებაში მყოფი ჯარი მომატებული მზადყოფნის მდგომარეობაში მოიყვანა.

მუამარ კადაფის დამხობისა და მკვლელობის შემდეგ 2011 წელს ლიბიაში პოლიტიკური კრიზისი დაიწყო. ქვეყანაში ორხელისუფლებიანობაა.

აღმოსავლეთ ნაწილს განაგებს პარლამენტი, დასავლეთით - ტრიპოლიში კი ზის გაეროსა და ევროკავშირის მიერ მხარდაჭერილი ეროვნული თანხმობის მთავრობა, რომელსაც ფაიეზ სარაჯი ხელმძღვანელობს.

აღმოსავლეთ ნაწილის ხელისუფლება მოქმედებს ტროპოლისგან დამოუკიდებლად და თანამშრომლობს ლიბიის ეროვნულ არმიასთან მარშალ ჰაფთარის ხელმძღვანელობით.

გაერო ლიბიას სთავაზობს 2019 წლის გაზაფხულზე არჩევნების ჩატარებას, რომლის შედეგებით უნდა მოხდეს ლეგიტიმური სახელისუფლებო ორგანოების ფორმირება.