უზენაეს სასამართლოსთან მიმდინარე აქციაზე ზაზა დავითაია დააკავეს
საქართველოს უზენაეს სასამართლოსთან მიმდინარე საპროტესტო აქციაზე გაზეთ „ასავალ-დასავალის“ წარმომადგენელი ზაზა დავითაია დააკავეს.
აქციაზე მთაწმინდის მაჟორიტარულ ოლქში ბლოკ „ევროპული საქართველო – თავისუფალი დემოკრატების“ კანდიდატის, შალვა შავგულიძის სიტყვით გამოსვლის დროს, დავითაიამ მას ჰკითხა, თუ რატომ დგას დღეს სანდრო გირგვლიანის მკვლელების გვერდით.
ამ შეკითხვას აქციის მონაწილეებს შორის დაპირისპირება და შეხლა-შემოხლა მოჰყვა.
უზენაეს სასამართლოსთან აქციას მართავენ „ევროპული საქართველო“ და „თავისუფალი დემოკრატები“. ისინი პარლამენტის მიმართულებით საპროტესტო მსვლელობას აწყობენ.
