თუ ვინმე უწყობს ხელს პოლიციის დისკრედიტაციას, ბრძანდებით თქვენ, ბატონო გახარია, - მიმართა ნაციონალური მოძრაობის წევრმა, ნიკა მელიამ შინაგან საქმეტა მინისტრს გიორგი გახარიას, რომელიც „მინისტრის საათის“ ფორმატში, პარლამენტში სიტყვით გამოსვლისას.

მელიას განცხადებით, მინისტრმა სიტყვით გამოსვლისას პოლიციის დისკრედიტაციაში დაადანაშაულა ოპოზიცია, თუმცა ამას თავად ის აკეთებს.

„თუ ვინმე უწყობს ხელს პოლიციის დისკრედიტაციას, ბრძანდებით თქვენ, ბატონო გახარია. ადამიანი, რომელიც არა მხოლოდ უწყობთ ხელს, უშუალოდ თანამშრომლობთ კრიმინალებთან და ეს ყველაფერი დადასტურდა ზუგდიდშიც კი და მხოლოდ ერთი ადამიანის სახელი და გვარი ხვიჩა ცხაკაიას საკმარისი, რომელიც თქვენ ასე ვთქვათ თავი გამოისულელეთ და თქვით, რომ არ გსმენიათ. არა და პირადად იცნობთ ამ ადამიანს. თქვენ ხართ იმ უწყების ხელმძღვანელი, რომელიც „რემენას“ აეროპორტში ხვდება. იმ უწყების ხელმძღვანელი, რომელიც ლავაზ ოღლის ათავისუფლებს. იმ გუნდის ერთ-ერთი თვალსაჩინო ლიდერი ხართ, რომლის რიგებში გახლავთ ბატონი კალაძე. თქვენი მეორე ლიდერი, რომელთანაც ურთიერთობა არ გაქვთ თბილი, მაგრამ ეგ თქვენი პრობლემაა, რომელიც ამაყობს 8 სული ქურდით და ამ ყველაფერის გათვალისწინებით, როგორ ბედავთ საერთოდ ლაპარაკს იმასთან დაკავშირებით, რომ ვინმე სხვა ახდენს პოლიციის დისკრედიტაციას. უნამუსოა ის ადამიანი, ვინც ხელებს იბანს ია კერზაიას მკვლელობაზე“,-განაცხადა ნიკა მელიამ.