აშშ-ის ყოფილი პრეზიდენტი ბარაკ ობამა მეუღლესთან, მიშელთან ერთად დონალდ ტრამპის შესახებ Netflix-ის სერიალის პროდიუსერი იქნება. ამის შესახებ Deutsche Welle იუწყება. სერიალი მაიკლ ლიუსის ბესტსელერის „მეხუთე რისკის“ ეკრანიზაციაა, რომელიც ტრამპის პრეზიდენტობის საწყისი პერიოდის დოკუმენტური ქრონიკა იქნება.  
ცნობილია, რომ „მეხუთე რისკი“ ტრამპს საკმაოდ არამომგებიან პოზიციაში აყენებს.

ბარაკ და მიშელ ობამებმა Netflix-თან თანამშრომლობის შესახებ 2018 წლის მაისში განაცხადეს. მათ უკვე წარადგინეს თავიანთი პირველი პროექტები, რომელთა განხორციელებასაც Netflix-თან ერთად აპირებენ. პროექტების უმეტესობა რასობრივი და გენდერული დისკრიმინაციის წინააღმდეგ ბრძოლას ეძღვნება.