ამ დროისათვის კუბის ათასობით და რუსეთის ასობით წარმომადგენელმა ვენესუელის უსაფრთხოების ორგანოები კონტროლქვეშ აიღო, ისინი აკონტროლებენ ქვეყნის ხელისუფლების პოლიტიკურ კურსს, ამის შესახებ აშშ-ის სახელმწიფო მდივანმა მაიკ პომპეომ განაცხადა.  

 „ამჟამად ვისმენთ გამონათქვამებს, რომ ვენესუელაში უცხო ძალები არ შეჭრილან. სინამდვილეში ეს უკვე მოხდა. კუბელები იქ შეიჭრნენ ცოტა ხნის წინ, ახლა კი მათ უკან რუსები მიჰყვნენ. მხოლოდ ვენესუელის უსაფრთხოების სტრუქტურტებში კუბელების რაოდენობა ათასობითაა, რუსები კი ასობით არიან, შესაძლოა უფრო მეტნიც“, - განაცხადა, პომპეომ ამერიკელ ჟურნალისტთან ბენ შაპიროსთან ინტერვიუში.

მისი მტკიცებით, კუბის უსაფრთხოების ძალების მძლავრი აპარატი იცავს მადუროს, იქ, სადც ის იმალება.

მაიკ პომპეომ აღნიშნა, რომ კუბელებმა ვენესუელის სიღრმეში შეაღწიეს.

 „ისინი აკონტროლებენ ეკონომიკას, ძარცვავენ ქვეყანას. მათ მოითხოვეს, რომ ვენესუელამ კუბას ნავთობზე ფასდაკლება გაუკეთოს მრავალი წლის განმავლობაში, რითიც ვენესუელის ხალხს ზიანს აყენებენ“, - განაცხადა სახელმწიფო მდივანმა.

მისი თქმით, რუსებიც იქ არიან, რთა დაიცვან თავიანთი ეკონომიკური ინტერესები.

მანამდე მაიკ პომპემ Fox News-ს განუცხადა ,რომ ვაშინგტონი არ უარყოფს ვენესუელაში კრიზისის სამხედრი გზით გადაჭრის შესაძლებლობას, თუმცა უპირატესობას ანიჭებს ხელისუფლების მშვიდობიანი გზით შეცვლის ვარიანტს.