ბრუნეის სულთანმა ჰასანალ ბოლქიაჰმა განაცხადა, რომ ცოლ-ქმრული ღალატისა და ჰომოსექსუალური კავშირისთვის კანონი სიკდილთ დასჯის შესახებ შეჩერებულია.

მისი თქმით, ბრუნეი ასევე წამების წინააღმდეგ გაეროს კონვენციის რატიფიცირებას მოახდენს.

შარიათის კანონები, რომლებიც ითვალისწინებს სიკვდილით დასჯას ქვებით ჩაქოლვით ცოლ-ქმრული ღალატისა და ჰომოსექსუალრი კავშირისთვის ძალაში აპრილში შევიდა. დასჯის ახალი ფორმები შარიათის წესების თანახმად, ასევე ითვალისწინებს კიდურების მოკვეთას ქურდობისთვის.

ბრუნეიმ ხელი მოაწერა, თუმცა რატიფიცირება არ მოუხდენია გაეროს კონვენციისთვის წამებისა და სხვა სასტიკი მოპყრობის წინააღმდეგ. იმის მიუხედავად, რომ ქვეყნის კანონებით დაშვებულია სიკვდილით დასჯა, მას ფაქტობრივად უკიდურესად იშვიათ შემთხვევებში მიმართავენ. უკანასკნელად სასჯელის უმაღლესი ზომა 2017 წელს გამოიყენეს დანაშაულისთვის, რომელიც ნარკოტიკებს უკავშირდებოდა.