ქაბულში აფეთქებას ცხრა ადამიანი ემსხვერპლა
სულ მცირე ცხრა ადამიანი, მათ შორის სამი მშვიდობიანი მოქალაქე დაიღუპა ავღანეთის დედაქალაქში მომხდარი აფეთქების შედეგად. თავდასხმა საერთაშორისო ორგანიზაცია Counterpart International-ზე მოხდა.
ადგილობრივი მედიის ცნობით, თავდაპირველად აფეთქება მოხდა, რასაც სროლა მოყვა. უსაფრთხოების ძალებმა ორგანიზაციის 170 თანამშრომელი გადაარჩინეს, ორი თავდამსხმელი ლიკვიდირებულია. თავდასხმაზე პასუხიმგებლობა „თალიბანმა“ აიღო.
Counterpart International-ი ავღანეთში 2005 წლიდან მუშაობს. ის არაკომერციული ორგანიზაციია და შეერთებული შტატებიდან ფინანსდება.
