სიტყვიერი დაპირისპირება მოხდა ვიცე-სპიკერ მანანა კობახიძესა და ჟურნალისტ ელისო კილაძეს შორის გადაცემა "არჩევანის" ეთერში ე.წ. კოკაინის საქმესთან დაკავშირებით საუბრისას.

„თქვენ ხართ ბინძური, ამორალური და ყოვლად უწესო ქალბატონი,“- ასე მიმართა მანანა კობახიძემ გაზეთ „ქრონიკა პლიუსის“ რედაქტორს ელისო კილაძეს.

ელისო კილაძემ დეპუტატს კითხა,საიდან იცოდა მანანა კობახიძემ, დაასახელა თუ არა წყარო კილაძემ გამომძიებელთან საუბრის დროს.

“საიდან გაქვთ ინფორმაცია, რომ მე დავუსახელე თუ არა გამოძიებას წყარო?” – განაცხადა ელისო კილაძემ.

“თქვენ პასუხს აგებთ, ქალბატონო ელისო, კილაძე ცრუ დასმენისთვის. ბინძური, ამორალური ქალბატონი ხართ! ასრულებთ დაკვეთებს. ძალიან ბრიყვულად იქცევით,” – განაცხადა მანანა კობახიძემ.

ელისო კილაძემ კი განაცხადა, რომ მას არ აინტერესებს იმ ადამიანის აზრი და შეფასებები, რომელიც ნეპოტიზმით არის დაკავებული და პარალელურად ნარკორეალიზატორებს მფარველობს.