ჰავაიზე ზვიგენის თავდასხმის შედეგად მამაკაცი გარდაიცვალა
ჰავაიზე კუნძულ მაუისთან მამაკაცი ზვიგენის თავდასხმის შედეგად გარდაიცვალა. იუწყება Fox News-ი.
ამერიკის ჰავაის შტატის ხელისუფლების განცხადებით, 65 წლის კალიფორნიელი მამაკაცი, რომელსაც თავს ზვიგენი დაესხა, ნაპირიდან 50 მეტრის დაშორებით იმყოფებოდა.
სანაპიროზე, სადაც თავდასხმა მოხდა, გამაფრთხილებელი ნიშნები დააყენეს.
Fox News-ის მონაცემებით, წლის დასაწყისიდან ჰავაიზე ზვიგენის თავდასხმის ეს უკვე მესამე შემთხვევაა.
