ლიონში მომხდარ აფეთქებაში ეჭვმიტანილი დააკავეს
პოლიციამ ლიონში მომხდარ აფეთქებაში ეჭვმიტანილი მამაკაცი დააკავა. ამის შესახებ საფრანგეთის შს მინისტრმა კრისტოფ კასტანერმა განაცხადა.
„ეჭმიტანილი დაკავებულია,“- დაწერა მან მიკრობლოგ Twitter-ში.
კასტანერი მიესალმა ანტიტერორისტული განყოფილების, სასამართლო პოლიციისა და უსაფრთხოების სამსახურების მუშაობას.
აფეთქება ლიონში, ვიქტორ ჰიუგოს ქუჩაზე 24 მაისს საღამოს მოხდა. ბოლო მონაცემებით დაშავდა 13 ადამიანი.
