გორში, სადაც სტიქიით დაზარალებული რამდენიმე სოფლის მცხოვრებლები აქციას მართავდენ, გარემოს დაცვისა და სოფლის მეურნეობის მინისტრი ლევან დავითაშვილი ჩავიდა.

სეტყვის შედეგად დაზარალებული შვიდი სოფლის მოსახლეობა ზარალის ანაზღაურებასა და სოფლის მეურნეობის მინისტრთან შეხვედრას მოითხოვდა. მათი თქმით, სტიქიამ მოსავალი სრულად გაანადგურა. მოსახლეობამ ცენტრალური მაგისტრალის გადაკეტვაც სცადა.

ასევე, ადგილზე იმყოფებოდა გორის მუნიციპალიტეტის მერი კოტე თავზარაშვილიც.

გორი-თბილისის დამაკავშირებელ ცენტრალურ მაგისტრალზე დიდი რაოდენობით სამართალდამცველია მობილიზებული. ადგილობრივები ამბობენ, რომ თუ მათ მოთხოვნებს ხელისუფლება არ დააკმაყოფილებს თბილისისკენ გამოემართებიან და აქციას დედაქალაქში გამართავენ.

მანამდე კი გადაწყდა, რომ აქციის მონაწილეების ნაწილი მინისტრ ლევან დავითაშვილს შეხვდება.

ფოტო: პირველი არხი