დავით გარეჯის ტერიტორიაზე აქცია „გარეჯი საქართველოა, კავკასია კი ჩვენი სახლია“ იმართება.

ადგილზე შეკრებილმა სასულიერო პირებმა მოსახლეობას მოუწოდეს, რომ ტაძრებამდე ეტაპობრივად გადაადგილდნენ, რადგან რელიეფი არ იძლევა იმის საშუალებას, რომ ბევრი ადამიანი ერთდროულად გადაადგილდეს.

აქციის მონაწილეები აცხადებენ, რომ შეიკრიბებიან დავით გარეჯის ლავრასთან და ფეხით გააგრძელებენ სვლას ჯერ აღდგომის ტაძრამდე, შემდეგ კი ჩიჩხიტურის ტაძრამდე. იქ მისასვლელი ბილიკები თავისუფლია, თუმცა არის რთული რელიეფი. მოქალაქეების გადაადგილებას შსს და საზღვრის დაცვის პოლიცია აკონტროლებს.სიმბოლურად, სამოქალაქო აქტივისტებმა აღდგომის ტაძართან საქართველოს დროშა აღმართეს.

მასშტაბური აქცია დავით გარეჯში მას შემდეგ დაიგეგმა, რაც გავრცელდა ინფორმაცია, რომ აზერბაიჯანელი აქტივისტები დავით გარეჯში ქვეყნის დამოუკიდებლობის დღის მსვლელობით აღნიშვნას აპირებდნენ.