ქვემო ქართლის საოლქო პროკურატურამ ბოლნისის პოლიციის განყოფილების დეტექტივ-გამომძიებელი დააკავა. მას გამოძიება 16 წლის მოზარდისადმი არაადამიანურ მოპყრობაში ადანაშაულებს.

როგორც ქვემო ქართლის საოლქო პროკურორის მოადგილემ, ლევან ლაზარიშვილმაგანაცხადა, ბოლნისის პოლიციის განყოფილების დეტექტივ-გამომძიებელი კ. ქ. ამოცნობის შემდეგ დააკავეს.  მას ბრალად ედება პირის მიმართ არაადამიანური მოპყრობა.

16 წლის მოზარდი ბოლნისში სამართალდამცველებმა ორი თვის წინ ქურდობისთვის დააკავეს. როგორც მოზარდი აცხადებს, პოლიციელები მისგან თანამზრახველების დასახელებას ითხოვდნენ, რა დროსაც, სასტიკად გაუსწორდნენ.

საქართველოს შინაგან საქმეთა სამინისტროში აცხადებენ, რომ ფაქტთან დაკავშირებით ორი სამართალდამცველი დაკავებული თანამდებობიდან გათავისუფლდა. საქმეს ქვემო ქართლის პროკურატურა იძიებს.