ესპანეთის ქალაქ ბარსელონაში პოლიციამ ძარცვის ბრალდებით, 22 ადამიანი დააკავა, მათგან სამი ქართველია. ამის შესახებ ინფორმაციას ადგილობრივი მედია ავრცელებს.

სამართალდამცველების თქმით, მძარცველთა ჯგუფი გასაძარცვად იმ სახლებს არჩევდა, რომელთაც ეზო და შუშის კარი ჰქონდათ. გაძარცვულ ობიექტებს შორის სილამაზის სალონები, საცხობები, ესთეტიკური ცენტრები, რესტორნები, ფარმაცია და წიგნის მაღაზიებიცაა.

მათი იდენტიფიცირება სათვალთვალო კამერების საშუალებით მოხდა. სამივე დაკავებული, სასამართლოს წინაშე წარდგენის შემდეგ, გირაოს სანაცვლოდ გაათავისუფლეს.

ეჭვმიტანილების ბინებიდან პოლიციამ 9 ათასი ევრო, კომპიუტერები და მობილური ტელეფონები ამოიღო.