რომის პაპმა ფრანცისკმა ტელერახ Televisa-ს ინტერვიუში განაცხადა, რომ აშშ-ს პრეზიდენტის დონალდ ტრამპის იდეა მექსიკის საზღვარზე კედლის აშენებასთან დაკავშირებით მცდარია.

 „ჩვენ უკვე ვიცოდით ერთი კედელი ბერლინში, რომელმაც დიდი თავის ტკივილი და ტანჯვა მოგვიტანა... ბავშვების მშობლებისგან ჩამოშორება ბუნებრივი სამართლიანობის წინააღმდეგ წასვლაა... ეს სისასტიკეა. ეს ერთ-ერთი უდიდესი სისასტიკეა. რას ვიცავთ? ტერიტორიას, ქვეყნის ეკონომიკას თუ რას?“ - განაცხადა რომის პაპმა.

ჟურნალისტის შეკითხვაზე თუ რას ეტყოდა ის ტრამპმს, მის წინაშე რომ მჯდარიყო, რომის პაპმა განაცხადა „იგივეს“.

 „იგივეს, რადგან ყველაფერს სახალხოდ ვამბობ... ასევე სახალხოდ ვამბობ, რომ ის, ვინც კედელს აშენებს, საბოლოოდ იმ კედლების ტყვე ხდება, რომელსაც აშენებს“, - აღნიშნა პაპმა.

მექსიკის საზღვარზე კედლის მშენებლობა დონალდ ტრამპის ერთ-ერთი წინასაარჩევნო დაპირებაა.