ერთი ადამიანი დაიღუპა და 130 დაშავდა ამერიკის ოჰაიოსა და ინდიანას შტატებში ძლიერი ტორნადოს შედეგად. ინფორმაციას Associated Press-ი ავრცელებს.

სააგენტოს ცნობით, ტორნადომ სერიოზული ნგრევა გამოიწვია. ელექტროენერგიის გარეშე კი 68 ათასი სახლი დარჩა.

აშშ-ის ეროვნული მეტეოროლოგიური სამსახურის მონაცემებით, ქარის სიჩქარემ საათში 264 კმ-ს მიაღწია. სტიქია ოთხ წუთს გაგრძელდა, თუმცა ეს დრო საკმარისი აღმოჩნდა იმისთვის, რომ დასახლებების ნაწილი დაენგრია.

სერიოზულად დაზიანებულ შენობებს შორის აღმოჩნდა ორსართულიანი სასტუმრო American Budget Value Inn-ც. საბედნიეროდ, შენობაში მყოფი ადამიანები, სტიქიას გადაურჩნენ.