მიხეილ სააკაშვილს უკრაინაში დასაბრუნებლად პირადობის მოწმობა გადასცეს
საქართველო ყოფილ პრეზიდენტს მიხეილ სააკაშვილს უკრაინაში დასაბრუნებლად ვარშავაში უკრაინის კონსულმა პირადობის დამადასტურებელი მოწმობა გადასცა. ამ მომენტისთვის ის აეროპორტისკენ მიემართება. კიევში სააკაშვილს ადგილობრივი დროით 17:30 საათისთვის ელოდებიან.
„უკრაინის მშვენიერმა კონსულმა ვარშავის საელჩოში უკრაინაში დასაბრუნებლად პირადობის დამადასტურებელი მოწმობა გადმომცა. ახლა კი აეროპორტში ვარ, კიევისკენ!“, - დაწერა მიხეილ სააკაშვილმა Facebook-ის გვერდზე.
უკრაინის პრეზიდენტმა ვლადიმირ ზელენსკიმ მიხეილ სააკაშვილს მოქალაქეობა 28 მაისს დაუბრუნა.
