არასრულწლოვნის დამამცირებელი და არაადამიანური მოპყრობის საქმეზე დაკავებულ ყოფილ პოლიციელს, კონსტანტინე ქოჩიშვილს, რუსთავის პოლოციის დროებითი მოთავსების იზოლატორში ბრალი ოფიციალურად წარუდგინეს.

როგორც დაკავებულის ადვოკატმა, გიორგი გოგინავამ განაცხადა, მისი დაცვის ქვეშ მყოფი ბრალს არ აღიარებს და საკუთარ პოზიციას აღკვეთის ღონისძიებასთან დაკავშირებულ სხდომაზე დეტალურად გაასაჯაროებს.

სასამართლო სხდომა ადვოკატის ინფორმაციით სავადაუდოდ ხვალ ჩაინიშნება.

16 წლის მოზარდი ბოლნისში სამართალდამცველებმა ორი თვის წინ ქურდობისთვის დააკავეს. არასრულწლოვანის თქმით, პოლიციელებმა მას ფიზიკური შეურაცხყოფა მიაყენეს და გაუპატიურებით ემუქრებოდნენ.