ამის თავიც არ აქვთ, რომ ერთმანეთი კარგად სცემონ, ვაჟკაცურად, - განუცხადა ჟურნალისტებს „პატრიოტთა ალიანსის“ დეპუტატმა, ადა მარშანიამ პარლამენტში დეპუტატების - ლევან გოგიჩაიშვილსა და მიხეილ ყაველაშვილს შორის მომხდარი კამათის შესახებ.

“გაინტერესებთ ვინ ვის დაარტყა პარლამენტში? ესეც არ შეუძლიათ ამათ დარტყმაც არ შეუძლიათ. ვაჟკაცური ჩხუბიც არ შეუძლიათ ამათ. საქართველო ამათ ხელში არის უპატრონო. ამის თავიც არ აქვთ, რომ ერთმანეთი კარგად სცემონ, ვაჟკაცურად“, - თქვა მარშანიამ.

საკანონმდებლო ორგანოში სიტყვიერი შელაპარაკება მოხდა დამოუკიდებელ დეპუტატ ლევან გოგიჩაიშვილსა და უმრავლესობის დეპუტატ მიხეილ ყაველაშვილს შორის. დეპუტატები მანდატურებმა დეპუტატის ოთახში გაიყვანეს. დაპირისპირება ოთახშიც გაგრძელდა. დაპირისპირების მიზეზი უცნობია. მიხეილ ყაველაშილმა ისინიც ადამიანები არიან და ხანდახან აქვთ უფლება პირად საკითხებზე ისაუბრონ. მან ბოდიში მოიხადა იმის გამო, რომ პირად საკითხე კამათი სესიაზე მოუვიდა.