ჰილარი კლინტონი ფილმებს გადაიღებს
აშშ-ს ყოფილმა სახელმწიფო მდივანმა ჰილარი კლინტონმა ქალიშვილთან, ჩელსისთან ერთად ფილმების საპროდიუსერო კომპანიის დაფუძნება გადაწყვიტა. იუწყება Bloomberg-ი.
სააგენტოს ცნობით, ამგვარად, კლინტონი ცდილობს გავლენა მოახდინოს აშშ-ს კულტურასა და საზოგადოებაზე, პოლიტიკიდან წასვლის შემდეგ.
კლინტონმა უკვე გააფორმა კონტრაქტი ტელესერიალ The Woman's Hour-თან. კლინტონის თანაპროდიუსერი რეჟისორი სტივენ სპილბერგი იქნება.
მარტში ჰილარი კლინტონმა განაცხადა, რომ 2020 წლის საპრეზიდენტო არჩევნებში მონაწილეობას არ მიიღებდა და მომავალში წიგნების წერით დაკავდებოდა და ბებიის როლს მოირგებდა.
