ქობულეთის სანდასუფთავების სამსახურის დირექტორი დაკავებული თანამდებობიდან გაათავისუფლეს
ქობულეთის სანდასუფთავების სამსახურის დირექტორი სულიკო ბლადაძე ქობულეთის მერმა დაკავებული თანამდებობიდან გაათავისუფლა.
ქობულეთის მერის მირიან ქათამაძის განცხადებით, შესწავლილი იქნება ქობულეთის სანდასუფთავებაში გაფორმებული ყველა შრომითი ხელშეკრულება.
შეგახსენებთ, რომ დღეს, TV25-მა გაავრცელა ინფორმაცია, რომლის მიხედვითაც, სულიკო ბლადაძემ სამსახურში ძმა და ცოლისძმა დაასაქმა.
