კასპის მუნიციპალიტეტის სოფელ ხიდისყურში მამაკაცი მოკლეს
კასპის მუნიციპალიტეტის სოფელ ხიდისყურში საკუთარი სახლის ეზოში მამაკაცი მოკლეს, მისი მეუღლე კი დაჭრეს. დაჭრილი საავადმყოფოში გადაყვანილია.
როგორც შსს-ში აცხადებენ, მკვლელობაში შესაძლო ბრალდებული იდენტიფიცირებულია და მიმდინარეობს ღონისძიებები მის დასაკავებლად.
„გამოძიება განზრახ მკვლელობისა და დამამძიმებელ გარემოებაში ორი ან მეტი პირის მიმართ ჩადენილ განზრახ მკვლელობის მცდელობის ფაქტებზე, საქართველოს სსკ-ს 108-ე და 19-109-ე მუხლის მე-3 ნაწილის „ა“ ქვეპუნქტით მიმდინარეობს. ჩადენილი დანაშაული 16-დან 20 წლამდე ან უვადო თავისუფლების აღკვეთას ითვალისწინებს“,-აცხადებენ შსს-ში.
