თურქეთში ავტოავარიას 13 ადამიანი ემსხვერპლა
ორი ავტომობილის შეჯახების შედეგად თურქეთში 13 ადამიანი დაიღუპა. ავტოსაგზაო შემთხვევა ქვეყნის სამხრეთით, ნიგდეს რაიონში მოხდა. ერთ-ერთმა მძღოლმა საჭე ვერ დაიმორჩილა და შემხვედრ ავტომობილს დაეჯახა. 11 ადამიანი ადგილზე დაიღუპა, ორი კი საავადმყოფოში გარდაიცვალა. 14 მგზავრიდან, რომლებიც ორივე მანქანაში იმყოფებოდნენ, ცოცხალი მხოლოდ ერთი გადარჩა. ის საშუალო სიმძიმის დაზიანებებით კლინიკაში მოათავსეს.
