პარლამენტის პლენარულ სხდომაზე „ნაციონალურმა მოძრაობამ“ "პატრიოტთა ალიანსს" და "ქართულ ოცნებას" რუსული პროექტი უწოდა.

„ნაციონალური მოძრაობის“ წევრის თინა ბოკუჩავას თქმით, „ქართული ოცნების“ ხელისუფლებაში მოსვლის შემდეგ ქართული სპეცსამსახურები ივსება რუსული სპეცსამსახურების წარმომადგენლებით.

„მას შემდეგ რაც "ქართული ოცნება" მოვიდა ხელისუფლებაში საქართველოში, ჩვენი სპეცსამსახურები ივსება რუსული სპეცსამსახურების წარმომადგენლებით. „ქართული ოცნება“  არის რუსული ოცნება და სინამდვილეში ბიძინა ივანიშვილის პოლიტიკური პროექტი არის ვლადიმერ პუტინის პოლიტიკური პროექტი, რომ ჩამოშალოს ჩვენი ქვეყნის ინსტიტუტები. ამიტომ არიან ასევე გააქტიურებული, როგორც ჩანს ქართული ოცნების სატელიტები, პირდაპირ კრემლის ფილიალი, რომელიც ასევე გვესაუბრება გარეჯის პრობლემაზე იმიტომ, რომ აქვთ ღია მცდელობა, რომ ჩვენ სტრატეგიულ პარტნიორთან დაიძაბოს ურთიერთობა და გაუთანაბრდეს იმას, რაც არის რუსეთის მხრიდან, ოკუპანტის მხრიდან, ეს არის ზუსტად ვლადიმერ პუტინის ნარატივი, რომლესაც ახორციელებთ თქვენ და უფრო თავზეხელაღებულად და ღიად ასევე თქვენი სატელიტი პარტია, რომელიც ახლა საუბარში მიშლის ხელს,"-განაცხადა თინა ბოკუჩავამ.