ანტალიაში კონდიციონერის აფეთქების შედეგად 1 ადამიანი დაიღუპა
ერთი ადამიანი დაიღუპა და ორი დაშავდა თურქეთის ქალაქ ანტალიაში ერთ-ერთ კლინიკაში კონდიციონერის აფეთქების შედეგად. ინფორმაციას ტელეარხი NTV ავრცელებს.
აღნიშნულია, რომ აფეთქება საავადმყოფოს ტექნიკურ განყოფილებაში მოხდა, სადაც კონდიცირების სისტემა მდებარეობს. შემთხვევის ადგილზე სახანძრო და სამაშველო სამსახურების წარმომადგენლები იმყოფებიან.
