ევროსაბჭოში უკრაინის დელეგაცია აპირებს მიმართოს  ქვეყნის პრეზიდენტს ვლადიმირ ზელენსკის ამ ორგანიზაციაში წევრობის შეჩერების შესახებ რუსეთის წარმომადგენლების დაბრუნების გამო. ამის შესახებ უმაღლესი რადას პირველმა ვიცე-სპიკერმა ირინა გარაშენკომ განაცხადა.

ევროსაბჭოს საპარლამენტო ასამბლეამ მიიღო რეზოლუცია, რომლის თანახმად, რუსეთის დელეგაციას ხმის უფლება აღუდგინა.

 „კიევში დაბრუნების შემდეგ მოვითხოვთ, უკრაინის ახალ პრეზიდენტთან შეხვედრას, რომელმაც რეაგირება არ მოახდინა ჩვენს წინადადებაზე შევხვედროდით და ივნისის სესიამდე საერთო პოზიციები შეგვეთანხმებინა. შესაძლოა, მას და მის გუნდს არ ესმის, რომ საუბარია სერიოზულ გამოწვევებზე, რომელიც მხოლოდ ევროსაბჭოს არ ეხება“, - განაცხადა გარაშენკომ.

მისი აზრით, კიევმა უნდა მიიღოს ევროსაბჭოში წევრობის შეჩერების გადაწყვეტილება.

 „ჩვენი წინადადებაა, შეჩერდეს უკრაინის წევრობა ამ ორგანიზაციაში, რომელიც დღეს თვითგანადგურების გზას დაადგა“, - აღნიშნა გარაშენკომ.