სოფლის მეურნეობის მინისტრი ოთარ დანელია ამერიკის შეერთებული შტატების საერთაშორისო განვითარების სააგენტოს (USAID) ახალ დირექტორს, დაგლას ბოლის შეხვდა.

შეხვედრაზე ოთარ დანელიამ „ევროკავშირთან ღრმა და ყოვლისმომცველი თავისუფალი სავაჭრო სივრცის შესახებ შეთანხმების“ (DCFTA) ფარგლებში აღებული ვალდებულებების შესრულების მიმდინარეობასა და საქართველოს სოფლის მეურნეობის დარგის განვითარებისთვის განხორციელებულ და დაგეგმილ ღონისძიებებზე ისაუბრა.

სოფლის მეურნეობის მინისტრმა USAID-ის დირექტორს სოფლის მეურნეობის განვითარების 2015-2020 წლების სტარტეგია გააცნო და მთავრობის მიერ აგრარული დარგის პრიორიტეტად გამოცხადების საკითხს გაუსვა ხაზი.

მინისტრმა ევროკავშირის ქვეყნებში ექსპორტის ზრდის ტენდენციაზეც ისაუბრა და ელჩის ყურადღება სახელმწიფოს მიერ ბაზრების დივერსიფიკაციის კუთხით გაწეულ მნიშვნელოვან სამუშაოებზე გაამახვილა.

შეხვედრაზე საუბარი შეეხო სასაკლაოებისა და კლიმატზე ადაპტირებული სოფლის მეურნეობის განვითარების მიმართულებით ქვეყანაში არსებულ მდგომარეობას, ასევე, სამეცნიერო-კვლევითი მიმართულებით ინსტიტუციური განვითარების საკითხებს. 

შეხვედრის დასასრულს, ოთარ დანელიამ დაგლას ბოლის USAID-ის მიერ დაფინანსებული პროექტის -  „ექსტენციისა და საკონსულტაციო მომსახურების გაძლიერება საქართველოში“ (SEAS)  მხარდაჭერით მომზადებული და გამოცემული ახალი სახელმძღვანელო  „ბოსტნეული და ბაღჩეული კულტურების ძირითადი მავნებელ-დაავადებები და მათ წინააღმდეგ ბრძოლა საქართველოში“ გააცნო და აღნიშნული წიგნი საჩუქრად გადასცა.

USAID-ის დირექტორის შეფასებით, ახალი სახელმძღვანელო ფერმერებს საჭირო ინფორმაციის მიღებაში დაეხმარებათ. შეხვედრაზე დაგლას ბოლიმ ყურადღება აგრარული დარგის განვითარებაში სოფლის მეურნეობის სამინისტროსთან მიმდევრულ პოლიტიკაზე გაამხვილა.

სოფლის მეურნეობის სამინისტროში გამართულ შეხვედრას მინისტრის პირველი მოადგილე ნოდარ კერესელიძე და მინისტრი სმოადგილე ლევან დავითაშვილი ესწრებოდნენ.