2019 წლის პირველი ნახევრის მონაცემებით, საქართველოში რუსეთის მოქალაქეების მიერ უძრავი ქონების ყიდვა გაიზარდა. ამის შესახებ რუსული გამოცემა „კომერსანტი“ წერს.

უცხოეთის ქვეყნების ანალიტიკოსების მიერ შედგენილი რეიტინგის თანახმად, რუსეთის მოქალაქეების მიერ შეძენილი ფართების მიხედვით, საქართვლო მე-15 ადგილს იკავებს. 2018 წელს ს 23-ე პოზიციაზე იმყოფებოდა. საქართველოს უძრავი ქონების პოპულარობას ექსპერტები ფასებისა და ხარისხის კარგი შეთანხმებით ხსნის, ასევე გარიგების გაფორმების იურიდიული სიმარტივით: საქართველოს კანონები უცხოეთის მოქალაქეებს უფლებას აძლევს თავისუფლად შეიძინონ ფაქტობრივად ნებისმიერი ობიექტი.

Prian.ru-ს ანალიტიკოსების აზრით, რუსეთ-საქართველოს შორის ასრებული დაძაბული მდგომარეობა უძრავი ქონების შეძენაზე გავლენას ვერ მოახდენს. ანალიტიკოსებს ბალტიისპირეთის მაგალითი მოყავთ. „კონფლიქტები გამუდემებით არსებობს, მაგრამ რუსები მთელი ამ დროის განმავლობაში აქტიურად ყიდულობენ უძრავ ქონებას იურმალაში და ლატვიაში ბინადრობის უფლებას იღებენ“, - აღნიშნავენ ექსპერტები.

ვლადიმირ პუტინის ბრძანებულებით, რუსეთ-საქართველოს შორის ავიამიმოსვლა 8 ივლისიდან შეწყდება. შესაბამისი გადაწყვტილება რუსეთის პრეზიდენტმა თბილისში ბოლო დროს განვითარებული მოვლენების შემდეგ მიიღო.