რუსეთის ფედერაციის მინისტრთა კაბინეტში გაეცნენ სახელმწიფო დუმის მიმართვას ანტიქართული სანქციების შესახებ, თუმცა გაითვალისწინებენ პრეზიდენტ ვლადიმირ პუტინის განცხადებასაც. ამის შესახებ რუსეთის პრემიერ მინისტრის პრე-მდივანმა ოლეგ ოსიპოვმა ჟურნალისტებს განუცხადა.

„მთავრობაში გაეცნენ სახელმწიფო დუმის დეპუტატების მიმართვას. ამასთან დაკავშირებით მინდა ყურადღება გავამახვილო იმაზე, რაც პრეზიდენტმა თქვა“, - აღნიშნა ოსიპოვმა.

ვლადიმირ პუტინმა დღეს ჟურნალისტებს განუცახდა, რომ საქართველოს მიმართ სანქციების დაწესების წინააღმდეგია. „არ გავაკეთებდი ამას ქართველი ხალხის მიმართ პატივისცემის გამო“,- აღნიშნა პუტინმა.